Home
Welcome to the Frontpage
ዓመታዊው የቅዱስ ጊዮርጊስ በዓል በፈረንሳይና በኢጣሊያ ተከብሯል። PDF Print E-mail
Written by Administrator   
Wednesday, 28 May 2014 20:37

ግንቦት 2006 ዓ.ም ካስል (ጀርመን) የሊቀ ሰማዕቱ ቅዱስ ጊዮርጊስ ዓመታዊ በዓል በፈረንሳይ ፓሪስ ለመጀመሪያ ጊዜ በዕለቱ በድምቀት ተከበረ።  በኢጣሊያ ባሪ ከተማም በዓሉ መከበሩን ለማወቅ ችለናል።

ለመጀመሪያ ጊዜ ሚያዝያ 23/2006 ዓ.ም በፓሪስ ቅዱስ ጊዮርጊስ ቤተክርስቲያን በዓሉ የተከበረው የደቡብ ደቡብ ምስራቅና ምዕራብ አውሮፓ ሀገረ ስብከት ሊቀጳጳስ ብፁዕ አቡነ ሙሴ በተገኙበት ነው።

በበዓሉ ዋዜማ በማህሌትና በሰዓታት የተጀመረው አገልግሎት በዕለቱም በሊቀ ጳጳሱ መሪነት የቅዳሴ ስነ ሥርዓት ተከናውኗል። በበዓሉ ከፈረንሳይ የተለያዩ ከተሞች በተጨማሪ ከጀርመንና ከቤልጂየም የሄዱ ምእመናንና ካህናት ተገኝተዋል።

በዕለቱም የፓሪስ ከተማ ነዋሪ የሆኑ ጥንዶች ቅዱስ ጋብቻቸውን ፈጽመዋል።

Last Updated on Friday, 30 May 2014 12:49
Read more...
 
«እኛ እንደ ኢትዮጵያውያኑ ወንድሞቻችን ከበሮ እና ይህ ያማረ ዝማሬ የለን ይሆናል እንጂ የሃይማኖት ልዩነት ፈጽሞ የለንም።» ብፁዕ አቡነ ዩልየስ ሐና አይዲን በጀርመን የሶርያ ኦርቶዶክስ ቤተ ክርስቲያን ሊቀ ጳጳስ PDF Print E-mail
Written by Administrator   
Monday, 28 April 2014 20:44

 

ሚያዚያ 2006 (ካስል/ጀርመን) «እኛ እንደ ኢትዮጵያውያኑ ወንድሞቻችን ከበሮ እና ይህ ያማረ ዝማሬ የለን ይሆናል እንጂ የሃይማኖት ልዩነት ፈጽሞ የለንም።» ብፁዕ አቡነ ዩልየስ ሐና አይዲን በጀርመን የሶርያ ኦርቶዶክስ ቤተ ክርስቲያን ሊቀ ጳጳስ

በሶርያ ኦርቶዶክስ ቤተ ክርስቲያን ጋባዥነት ከትንሣኤ በኋላ በነበረው ሰኞ፥ የማዕዶት ዕለት፥ በሐምቡርግ ከተማ የሚገኙ በክርስትና እምነት ሥር ያሉ የተለያዩ የእምነት ተቋማት ተወካዮች የክርስቶስን ትንሣኤ ምክንያት በማድረግ በአንድነት ጸሎት አድርገዋል።

ሐምቡርግ ሐርቡርግ ባለችው የቅድስት ማርያም ወቅዱስ ሽሙኒ የሶርያ ኦርቶዶክስ ቤተ ክርስቲያን የትንሣኤን በዓል አስመልክቶ የተዘጋጀውን ጉባኤው በጸሎት የከፈቱት መቀመጫቸው በጀርመን ዴልመንሆርስት ከተማ የሆኑትና የሶርያ ኦርቶዶክስ ቤተ ክርስቲያን የኤኬውሜኒካል እና ከጀርመን መንግሥት ጋር ለሚደረጉ የውጭ ግንኙነት ነክ ሥራዎች በኃላፊነት ላይ ያሉት ሊቀ ጳጳስ ብፁዕ አቡነ ዩልየስ ሐና አይዲን ናቸው። በመቀጠልም በዓሉን የሚመለከት መልእክት ከቤተ ክርስቲያኑ አስተዳዳሪና ከሌሎች ተወካዮች ከቀረበ በኋላ ከወንጌል የተውጣጡ ንባባት ከየቤተ እምነቱ በተወከሉ ተጋባዦች በየአገልግሎት ቋንቋቸው ለታዳሚው ተነበዋል። የሐምቡርግ ኪዳነ ምህረት ቤተ ክርስቲያንን በመወከል ዲያቆን ቡሩክ አሸናፊም እንዲሁ በቤተ ክርስቲያናችን የአገልግሎት ቋንቋ በሆነው በግዕዝ ከሉቃስ ወንጌል የክርስቶስን ትንሣኤ የሚያመለክት ገጸ ንባብ ያሰሙ ሲሆን የሐምቡርግ ኪዳነ ምህረት መዘምራንም በቦታው ለተገኙ እንግዶች ያሬዳዊ ዝማሬያትን አቅርበዋል።

Last Updated on Tuesday, 29 April 2014 10:36
Read more...
 
የትንሣኤ በዓል ዘገባ PDF Print E-mail
Written by Administrator   
Monday, 28 April 2014 20:03

ሚያዚያ 2006 (ካስል/ጀርመን) የጌታችን እና የአምላካችን የኢየሱስ ክርስቶስ የትንሣኤ በዓል በጀርመን ባሉ በአብዛኛዎቹ የኢትዮጵያ ኦርቶዶክስ ተዋህዶ አብያተ ክርስቲያናት በድምቀት ተከብሯል። የጌታችንን ሕማሙን ከምናስብበት ሳምንት መጀመሪያ አንስቶ በተለያዩ አድባራት ተገቢው ጸሎትም ደርሷል።

የደቡብ፣ ደቡብ ምሥራቅ እና ምዕራብ አውሮፓ ሀገረ ስብከት ሊቀ ጳጳስ ብፁዕ አቡነ ሙሴ ከጸሎተ ኀሙስ ጀምሮ በፍራንክፈረት ደብረ ፀሐይ ቅድስት ማርያም ቤተክርስቲያን ጸሎቱን የመሩ ሲሆን በጸሎተ ኀሙስ ቅዳሴውን ከመልአከ ፀሐይ አባ ሲራክ ጋር በመሆን ከማድረሳቸውም በተጨማሪ ሥርዓት በሚያዘው መሠረት ጌታችን እና አምላካችን ኢየሱስ ክርስቶስን አብነት በማድረግ ከዕለቱ በረከት ሽተው በቤተ ክርስቲያኑ የተገኙትን ቁጥራቸው የበዛ ምእመናንን እግር የማጠቡን ኦርቶዶክሳዊ ሥርዓት ፈጽመዋል። ስቅለትን እና ትንሣኤንም በዛው በቅድስት ማርያም ቤተ ክርስቲያን አገልግሎት ሰጥተዋል።

Last Updated on Monday, 28 April 2014 21:20
Read more...
 
በጀርመን የበርሊን ቅዱስ አማኑኤል ቤተክርስቲያን ከያዝነው ወር ጀምሮ ደብረ ገነት የሚል ስያሜ እንደተሰጠው ተገለጸ PDF Print E-mail
Written by Administrator   
Monday, 28 April 2014 18:13

ሚያዝያ 2006 ካስል(ጀርመን) በጀርመን የበርሊን ቅዱስ አማኑኤል ቤተክርስቲያን ከያዝነው ወር ጀምሮ ደብረ ገነት የሚል ስያሜ እንደተሰጠው ተገለጸ። የቤተክርስቲያኑም አስተዳዳሪ መልአከ ገነት የሚል የክብር ስያሜ ተሰጥቷቸዋል።

በኢ/ኦ/ተ/ቤ/ክ የገዳማትና አድባራት ትክልና አመሠራረት ሥርዓትና ትውፊት መሠረት በገጠርም ይሁን በከተማ የሚገኝ እያንዳንዱ ደብር ወይም ገዳም የራሱ የሆነ መለያ ስያሜ እንዲኖረው ይደረጋል። ይህን ታሳቢ በማድረግም የደቡብ፣ ደቡብ ምሥራቅና ምዕራብ አውሮፓ ሀገረ ስብከት ሊቀጳጳስ ብፁዕ አቡነ ሙሴ የሆሣዕና በዓል ሲከበር በበርሊን ቅዱስ አማኑኤል ቤተ ክርስቲያን በመገኘት ቤተክርስቲያኑን ደብረ ገነት የሚል ስያሜ ሰጥተውታል፤ በመሆኑም ቤተ ክርስቲያኑ ከዚህ በኋላ ደብረ ገነት ቅዱስ አማኑኤል ቤተ ክርስቲያን በሚለው መጠሪያ ይታወቃል።

ብፁዕነታቸው አክለውም አጥቢያው የራሱ ሕንፃ ቤተክርስቲያን እንዲኖረው ከፍተኛ አመራር በመስጠት ለፍሬ እንዲበቃ በማድረግና ለበርካታ ዓመታት በሰጡት መንፈሳዊ አገልግሎት ለቤተክርስቲያኑ አስተዳዳሪ አባ ብርሃነ መስቀል ተድላ መልአከ ገነት የሚለውን የመዐርግ ስም ሰጥተዋል። ይህንኑ ተከትሎ የሀገረ ስብከቱ ጽ/ቤት ውሳኔውን ለወረዳው ቤተክህነት፣ ካህኑ ለሚያስተዳድሯቸው ሁለት አጥቢያ አብያተክርስቲያናትና ለካህኑ በደብዳቤ አሳውቋል።

Last Updated on Monday, 28 April 2014 20:43
Read more...
 
« StartPrev12345678910NextEnd »

Page 4 of 10

Who's Online

We have 16 guests online

ሌሎች ድረ ገጾች

Featured Links:

feed-image Feed Entries


Powered by Medhanealem.