Home
Welcome to the Frontpage
በጀርመን የበርሊን ቅዱስ አማኑኤል ቤተክርስቲያን ከያዝነው ወር ጀምሮ ደብረ ገነት የሚል ስያሜ እንደተሰጠው ተገለጸ PDF Print E-mail
Written by Administrator   
Monday, 28 April 2014 18:13

ሚያዝያ 2006 ካስል(ጀርመን) በጀርመን የበርሊን ቅዱስ አማኑኤል ቤተክርስቲያን ከያዝነው ወር ጀምሮ ደብረ ገነት የሚል ስያሜ እንደተሰጠው ተገለጸ። የቤተክርስቲያኑም አስተዳዳሪ መልአከ ገነት የሚል የክብር ስያሜ ተሰጥቷቸዋል።

በኢ/ኦ/ተ/ቤ/ክ የገዳማትና አድባራት ትክልና አመሠራረት ሥርዓትና ትውፊት መሠረት በገጠርም ይሁን በከተማ የሚገኝ እያንዳንዱ ደብር ወይም ገዳም የራሱ የሆነ መለያ ስያሜ እንዲኖረው ይደረጋል። ይህን ታሳቢ በማድረግም የደቡብ፣ ደቡብ ምሥራቅና ምዕራብ አውሮፓ ሀገረ ስብከት ሊቀጳጳስ ብፁዕ አቡነ ሙሴ የሆሣዕና በዓል ሲከበር በበርሊን ቅዱስ አማኑኤል ቤተ ክርስቲያን በመገኘት ቤተክርስቲያኑን ደብረ ገነት የሚል ስያሜ ሰጥተውታል፤ በመሆኑም ቤተ ክርስቲያኑ ከዚህ በኋላ ደብረ ገነት ቅዱስ አማኑኤል ቤተ ክርስቲያን በሚለው መጠሪያ ይታወቃል።

ብፁዕነታቸው አክለውም አጥቢያው የራሱ ሕንፃ ቤተክርስቲያን እንዲኖረው ከፍተኛ አመራር በመስጠት ለፍሬ እንዲበቃ በማድረግና ለበርካታ ዓመታት በሰጡት መንፈሳዊ አገልግሎት ለቤተክርስቲያኑ አስተዳዳሪ አባ ብርሃነ መስቀል ተድላ መልአከ ገነት የሚለውን የመዐርግ ስም ሰጥተዋል። ይህንኑ ተከትሎ የሀገረ ስብከቱ ጽ/ቤት ውሳኔውን ለወረዳው ቤተክህነት፣ ካህኑ ለሚያስተዳድሯቸው ሁለት አጥቢያ አብያተክርስቲያናትና ለካህኑ በደብዳቤ አሳውቋል።

Last Updated on Monday, 28 April 2014 20:43
Read more...
 
ጥንተ መስቀሉ የሚታሰብበት ዓመታዊው የመድኃኔዓለም በዓል በጀርመን በድምቀት ተከበረ። PDF Print E-mail
Written by Administrator   
Monday, 14 April 2014 15:14

 

የጌታችን የመድኃኒታችን የኢየሱስ ክርስቶስ ጥንተ ስቅለቱ የሚታሰብበት ዓመታዊው የመድኃኔዓለም በዓል በጀርመን ሀገር በድምቀት ተከበረ።

ምእመናን ለካስል ደብረ ቀራንዮ መድኃኔዓለም ሕንፃ ቤተክርስቲያን መግዣ የሚውል ከ10 ሺ ዩሮ በላይ ገንዘብና የጣት ወርቆቻቸውን ለግሰዋል።

በርካታ መንፈሳዊ ቁምነገሮችን ያካተተችው ቀራንዮ መጽሔት ቅጽ ሁለትም ታትማ ለንባብ በቅታለች።

የደቡብ፣ ደቡብ ምሥራቅና ምዕራብ አውሮፓ ሀገረ ስብከትን ያጠናክራል የተባለለት ጠቅላላ ጉባኤም በጀርመን ካስል ከተማ ለሁለት ቀናት ተካሂዶ በተሳካ ሁኔታ ተጠናቋል።

ሚያዝያ 2006 ካስል (ጀርመን)- ዓመታዊው የጌታችን የመድኃኒታችን የኢየሱስ ክርስቶስ ጥንተ ስቅለቱ የሚታሰብበት በዓል ከጀርመን ከተለያዩ የአውሮፓ ከተሞችና ከካናዳ በመጡ፥ በመቶዎች የሚቆጠሩ ምእመናን በተገኙበት በድምቀት ተከበረ።

በዓሉን ለማክበር ከሁሉም የጀርመን አድባራት፣ ከፈረንሳይ፣ ከስዊዘርላንድ፣ ከጣሊያንና ከካናዳ መድኃኔዓለም በረከቴን ተሳተፉ ብሎ የጋበዛቸው እንግዶች ባለፈው ሳምንት ቅዳሜና እሑድ መጋቢት 27 እና 28/ 2006 ዓ.ም የካስል ከተማን መለያችን በሆኑት የአበሻ ልብስ ነጠላና ጋቢ አጥለቅልቀዋት ነበር።

Last Updated on Monday, 14 April 2014 17:08
Read more...
 
የበዓል ጥሪ PDF Print E-mail
Written by Administrator   
Friday, 28 March 2014 08:14

የበዓል ጥሪ

በስመ አብ ወወልድ ወመንፈስቅዱስ አሐዱ አምላክ። አሜን።

በጀርመን የኢ/ኦ/ተ/ቤ/ክ የካስል ደብረ ቀራንዮ መድኃኔዓለም ቤተክርስቲያን የጌታችን እና የመድኃኒታችን የመድኃኔዓለም ጥንተ ስቅለቱ የሚታሰብበትን ዓመታዊ በዓል ቅዳሜ መጋቢት ፳፯ እና እሑድ መጋቢት ፳፰ ቀን ፳፻፮ ዓ/ም በታላቅ ዝግጅት ያከብራል።

የዘንድሮው በዓል ከቀድሞው የተለየ የሚያደርገው ደብሩ ከዚሁ ታላቅ በዓል ጋር በተያያዘ የደቡብ ደቡብ ምሥራቅና ምዕራብ አውሮፓ ሀገረ ስብከት ስብሰባን ለመጀመሪያ ጊዜ ማስተናገዱ ነው። ይህንኑ ስብሰባ ምክንያት በማድረግ የሀገረ ስብከታችንን ሊቀ ጳጳስ ብፁዕ አቡነ ሙሴን ጨምሮ በመላው ጀርመን እና በአውሮፓ ከሚገኙ በርካታ አብያተ ክርስቲያናት የደብር አስተዳዳሪዎች የሰበካ መንፈሳዊ አስተዳደር ጉባኤ ተወካዮችና ምእመናን ይገኛሉ።

Last Updated on Saturday, 29 March 2014 17:17
Read more...
 
ምሥጢረ ሥላሴ PDF Print E-mail
Written by Administrator   
Wednesday, 26 February 2014 17:41

ምሥጢረ ሥላሴ

ሐዋርያ ወንጌል ቅዱስ ጳውሎስ በመልእክቱ “ወባሕቱ በቤተ ክርስቲያን እፈቅድ ኀምስተ ቃላተ እንግር በልብየ = ነገር ግን በቤተ ክርስቲያን አምስት ቃላትን ልናገር በልቤ እሻለሁ“ ቆሮ፲፬፲፱ እንዳለ የኢትዮጵያ ኦርቶዶክስ ተዋህዶ ቤተ ክርስቲያን ከውቅያኖስ የጠለቀውን ከነፋስ የረቀቀውን ትምህርተ ክርስትና በክቡር ደሙ ከዋጃት ከማይነጥፍ ከክርስቶስ ኢየሱስ ቃል ምንጭነት የታመኑ ባለሟሎቹ ሐዋርያት ቀድተው እንዳስረከቧት አዕማድ በተባሉ አምስት ምሥጢራት ከምላቱ ሳይጎድል ከስፋቱ ሳይጠብ እንደ ወርቅ እንክብል በጠሩ ኅብረ ቃላት ጠቅልላ ታስተምራለች። አምስት ምሥጢራት የተባሉትም

፩. ምሥጢረ ሥላሴ .  ምሥጢረ ሥጋዌ . ምሥጢረ ጥምቀት . ምሥጢረ ርባን . ምሥጢረ ትንሣኤ ሙታን ናቸው።

ዓምድ ማለት ሙሰሶ ማለት ነው፥ አዕማድ በብዙ ፤ አዕማድ መባላቸው ሙሰሶ ቤትን ማዕበል እንዳይጥለው ነፋስ እንዳይገፋው እንደሚያጸና እኒህም ልቡናን በኑፋቄ እንዳይታወክ ከክህደት ከቀቢጸ ተስፋ እንዳይደርስ በእምነት በተስፋ የሚያጸኑ ስለሆኑ ነው። ሙሰሶ የሌለው ቤት ነፋስ ሲገፋው ይወድቃል ትምህርተ ሃይማኖትም ተምሮ ያላወቀ ሰው በጥርጥር በክህደት በሃይማኖት ከሚገኝ ጸጋና ክብር ይወጣል። ስለዚህም ቤተ ክርስቲያን ከሁሉ አስቀድማ ለወጣንያን ለማዕከላውያን በሚረዳቸው መጠን እኒህን ምሥጢራት ታስተምራለች። ምሥጢራት መባላቸውም ምሥጢር ለታመነ እንጂ ለሁሉ እንደማይነገር በክርስቶስ አምላክነት ወደማመን ለመጡ እንጂ በክህደት በአምልኮ ጣዖት ላሉ ለአሕዛብ ለአረማውያን የሚነገሩ ቢነገሩም በምር የሚረዱ ስላይደሉ፤ ዳግመኛም ለአእምሮ የረቀቀ ነገር ግን እውነት መሆኑ የታመነ ዕፁብ ዕፁብ ተብሎ በዕፁብ የሚወሰን በኅሊና መመራመር ግን የማይወሰን ድንቅ የሆነው ሁሉ ምሥጢር እንዲባል ሰው ዕፁብ ዕፁብ ብሎ በማመን የሚቀበላቸው እንጂ በመመራመር የማይወስናቸው ድንቅ እውነታዎች ስለሆኑ ነው።

Read more...
 
« StartPrev12345678910NextEnd »

Page 5 of 11

Who's Online

We have 25 guests online

ሌሎች ድረ ገጾች

Featured Links:

feed-image Feed Entries


Powered by Medhanealem.