Home
Welcome to the Frontpage
በጀርመን አገር ሁለት ከተሞች ግምታቸው ወደ አንድ ሚሊዮን ዩሮ የሚጠጋ ሁለት ሕንፃ አብያተክርስቲያናት ሊገዙ ነው PDF Print E-mail
Written by Administrator   
Monday, 26 November 2012 22:57

(ካስል- ጀርመን) በኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ ሥር የሚተዳደሩ ሁለት አብያተ-ክርስቲያናትን በጀርመን አገር ርዕሰ-መዲና በርሊንና በኑረንበርግ ከተሞች ወደ አንድ ሚሊዮን ዩሮ በሚጠጋ (ከ22 ሚሊዮን ብር በላይ)  ወጪ ለመግዛት ምእመናን በእንቅስቃሴ ላይ ይገኛሉ።

በጀርመን አገር በኢትዮጵያ ኦርቶዶክስ ተዋህዶ ቤተክርስቲያን ቅዱስ ሲኖዶስ የሚተዳደሩ አሥራ አንድ አብያተክርስቲያናትና የጽዋ ማኅበራት ይገኛሉ። ከእነዚህ መካከል በቤተክርስቲያኗ የግል ንብረትነት የተመዘገበው በኮሎኝ የሚገኘው የቅዱስ ሚካኤል ሕንፃ ቤተክርስቲያን ብቻ ሲሆን የተቀሩት በአገሪቱ ከሚገኙት ሌሎች አብያተክርስቲያናት ለቅዳሴ ብቻ በተውሶ አገልግሎት የሚሰጥባቸው ናቸው።

በጀርመን አገር የሚገኙት ምእመናን ለረጅም ዓመታት ሌላው ቢቀር ሳምንታዊ ቅዳሴ እንኳን የሚያደርጉበት የራሳቸው የሆነ ሕንፃ ቤተክርስቲያን አለማግኘታቸው በተውሶ ሕንፃ ቤተክርስቲያን የሚሰጡት የቅዳሴ እና ሌሎች መንፈሳዊ አገልግሎቶች በተጣደፈ መንገድ እንዲካሄዱ ከማድረጉም ባሻገር ምእመናን በሰከነ እና በተረጋጋ መንፈስ ከሚሰጡት አገልግሎቶች ተሳትፈው እንዳይሄዱ ምክንያት ሆኗ ቆይቷል።

Last Updated on Monday, 26 November 2012 23:38
Read more...
 
ዓመታዊው የጥቅምት መድኃኔዓለም በዓል በጀርመን ካስል ከተማ በድምቀት ተከበረ PDF Print E-mail
Written by Administrator   
Wednesday, 21 November 2012 15:35

(ካስል-ጀርመን) ከመላው ጀርመን በተገኙ ካህናትና ምእመናን በካስል ደብረ ቀራንዮ መድኃኔዓለም ቤተክርስቲያን ጥቅምት ፳፬ እና ፳፭- ፳፻፭ ዓ/ም ዓመታዊው የመድኃኔዓለም በዓል በድምቀት ተከብሯል።

በዓሉ ከዋዜማው ጀምሮ በደማቅ ጸሎተ ሠርክ፣ በማኅሌት እና በጸሎተ ቅዳሴ የተከበረ ሲሆን ከበዓሉ ጋር በተያያዘ በተለያዩ አርዕስት በአባቶች መንፈሳዊ ትምህርት ተሰጥቷል ፣ መዝሙሮች ቀርበዋል እንዲሁም በዓሉን አስመልክቶ በንስሓ ሕይወት ዙርያ ውይይት ተካሂዷል። በመርሐግብሩ በታዳጊ ሕፃናት ጣፋጭ አንደበት የቀረቡት መዝሙሮችም ልብ አስደማሚና  የብዙዎችን ቀልብ የሳቡ ሲሆን ከካህናቱና ከምእመናኑም ከፍተኛ አድናቆት ለሕፃናቱና ለቤተሰቦቻቸው አስችሯቸዋል።

Last Updated on Sunday, 25 November 2012 18:47
Read more...
 
ብክይዎ ወላህውዎ እለ ታፈቅርዎ ፥ የምትወዱት ፈጽማችሁ አልቅሱለት! PDF Print E-mail
Written by Administrator   
Tuesday, 20 November 2012 00:39

ብክይዎ ወላህውዎ እለ ታፈቅርዎ ፥ የምትወዱት ፈጽማችሁ አልቅሱለት!

ዐዋቆች 'ከማፍቀር ማወቅ ከመውደድ መልመድ ይቀድማል' ቢሉ የማያውቀውን ያፈቀረ ያልመደውን የወደደ ስለማይገኝ እውነት ብለዋል በጎ ተናግረዋል ቢባል እንጂ መቼም ያወቁትን ለማፍቀር የለመዱትን ለመውደድ ቢሆን እንኳ ኅሊናቸው በሁለት አሳብ የሚንገላታባቸው የሌላ ሰው ምክር ወይም ያልተጠበቀ ክስተት ግፊት ካልገጠማቸው በቀር ፍቅር እንደ ኮሶ መድኃኒት በቀላሉ የማይዘልቃቸው አዕላፍ ሰዎች በሞሏት ዓለም ውስጥ እየኖረ ሐሰት ነው የሚል ይኖራል ተብሎ አይገመትም ፤ 'እንዳየሁት ወደድሁት እንዳገኘሁት አፈቀርኩት' የሚሉ ለማፍቀር መሥፈርት ለመውደድ መመዘኛ የሌላቸው ጥቂት ደጋ ደግ ሰዎች እንዳሉ ሳይዘነጋ። እነርሱም ቢሆኑ ግን ያለ ምክንያት አይወድዱም ያለ ምክንያት አያፈቅሩም እንደውም ያለምክንያት በሰው የተወደደ ሰው ወይም ሌላ ስነ ፍጥረት የለም ፥ ገበሬ ላሙን ቢወዳት ወተት ሰጥታው ለበሬው ቢያዜምለት እርሻ አርሶለት እህል ወቅቶለት ነው። ላም ወተት ባይኖራት ማን 'ላሜ ቦራ' ብሎ በገጠመላት? በሬም በቀንዱ መዋጋት ብቻ እንጂ ባያርሱበት ባያበራዩበት ባንተ ነው ማማሬ ብሎ ማን ያሞግሰው ነበር? በሰዎች ዘንድ ያለምክንያት የሚጠላ ብዙ አለ ያለምክንያት የሚወደድ ግል ሊኖር አይችልም።

Last Updated on Wednesday, 21 November 2012 16:03
Read more...
 
ንጽህት ዘአልባ ርስሐት! PDF Print E-mail
Written by Administrator   
Tuesday, 12 August 2008 09:26

ንጽህት ዘአልባ ርስሐት!

በስመ አብ ወወልድ ወመንፈስቅዱስ አሐዱ አምላክ አሜን።

በመምህር ኅሩይ ኤርምያስ

በዚህ ትምህርታዊ ጽሑፍ ከጥንተ አብሶ ጋር በተያያዘ አሁን አሁን ጐላ ብሎ መሰማት የጀመረው “እመቤታችን ጥንተ አብሶ ነበረባት፤ በብስራት ጊዜ ጠፋላት” የሚል መንፈስቅዱስ ያልገለጠው መጽሐፍ ያልተናገረው ሥርዋጽ ከመሰማትና ከመነበብ አልፎትክክለኛው ኦርቶዶክሳዊ እምነትና ትምህርት’ የሚል የሃይማኖት ቡሉኮ ተደርቦለት በመለፈፉ አልፎ አልፎ ክርክርና ሙግት ሊያስነሣ መጀመሩን በመግለጽ ኦርቶዶክሳዊት ቤተክርስቲያናችን ስለጥንተ አብሶ የምታምነውንና የምታስተምረውን ኦርቶዶክሳዊ ትምህርት እንድገልጥላቸው በጠየቁኝ ምእመናን ጥያቄ መነሻነት ጊዜና ዕድል ገጥሟቸው የሚያነቡት ምእመናን ሁሉ ስለጥንተ አብሶ ምንነትና እመቤታችን ቅድስት ድንግል ማርያም ጥንተ አብሶ ነበረባት ወይስ አልነበረባትም? ስለሚለው ጥያቄ በቂ ዕውቀት እንዲኖራቸው በመንፈስቅዱስ ገላጭነት በመጻሕፍት ዋቢነት ሊቃውንት ካስተማሩት መምህራን ካመሰጠሩት ወስጄ ጥቂት ለማስረዳት እሞክራለሁ።

በቅድሚያ ‘ጥንተ አብሶ ምንድር ነው? የሚለውን እንመልከት

 

Last Updated on Wednesday, 21 November 2012 16:11
Read more...
 
« StartPrev12345678910NextEnd »

Page 10 of 11

Who's Online

We have 24 guests online

ሌሎች ድረ ገጾች

Featured Links:

feed-image Feed Entries


Powered by Medhanealem.