Home
Welcome to the Frontpage
የካርልስሩኸ አቡነ ተክለሃይማኖት ቤተ ክርስቲያን የደብር ስያሜ ተሰጠው። PDF Print E-mail
Written by Administrator   
Saturday, 24 January 2015 21:42

ካስል ጥር ፲፮/፳፻፯ ዓ.ም (ጀርመን) በጀርመን አገር የሚገኘው የካርልስሩኸ አቡነ ተክለሃይማኖት ቤተ ክርስቲያን ከዚህ ወር ጀምሮ የካርልስሩኸ ምዕራፈ ቅዱሳን አቡነ ተክለሃይማኖት ቤተ ክርስቲያን ተብሎ እንዲጠራ ተወሰነ። የቤተ ክርስቲያኑ አስተዳዳሪም መልአከ ስብሐት የሚል የማዕረግ ስም ተሰጥቷቸዋል።


በኢትዮጵያ ኦርቶዶክስ ተዋህዶ ቤተ ክርስቲያን የአድባራትና የገዳማት ትክልና አመሠራረት ሥርዓትና ትውፊት መሠረት በማድረግ እያንዳንዱ ደብር ወይም ገዳም የራሱ የሆነ ስያሜ እንዲኖረው ይደረጋል።


በዚህም ምክንያት የደብሩን አመሠራረትና እየሰጠ ያለውን አገልግሎት ግምት ውስጥ በማስገባት በኢ/ኦ/ተ/ቤ የደቡብ ደቡብ ምሥራቅና ምዕራብ አውሮፓ ሀገረ ስብከት ሊቀ ጳጳስ በብፁዕ አቡነ ሙሴ ውሳኔ መሠረት ስያሜው እንደተሰጠም ከሀገረ ስብከቱ ዋና ጸሐፊ ከመጋቤ ምሥጢር ኅሩይ ኤርምያስ ገለጻ ለመረዳት ተችሏል።

 

በተያያዘ ዜናም የደብሩ አስተዳዳሪ ቀደም ሲል ሲጠቀሙበት የነበረው የማዕረግ መጠሪያ ተለውጦ መልአከ ስብሐት ተክሌ ሲራክ ተብለው እንዲጠሩ የሀገረ ስብከቱ ሊቀ ጳጳስ ወስነዋል።

Last Updated on Sunday, 25 January 2015 19:28
Read more...
 
የነገረ መለኮት ምሩቃን ማኅበር በአውሮፓ ተመሰረተ። PDF Print E-mail
Written by Administrator   
Wednesday, 17 December 2014 10:45

የነገረ መለኮት ሩቃን ማኅበር የአውሮፓ ቅርንጫፍ

የምሥረታ ጉባዔውን አካሄደ::


ታህሳስ ፮ /፳፻፯ ዓ.ም ካስል(ጀርመን) በኢትዮጵያ ኦርቶዶክስ ተዋሕዶ ቤተ ክርስቲያን የነገረ መለኮት ሩቃን ማኅበር የአውሮፓ ቅርንጫፍ የምሥረታ ጉባዔውን ዳሜ ኅዳር ፳፯ ቀን ፳፻፯ .. በጀርመን ሀገር በካስል ከተማ አካሄደ በዚህ በካስል ደብረ ቀራንዮ መድኃኔዓለም ቤተ ክርስቲያን በተካሄደው ጉባዔ ከጀርመን እንግሊዝ ቤልጅየምፈረንሳይ እና ሆላንድ የመጡ ፲፩ የነገረ መለኮት መሩቃን የተገኙ ሲሆን በተለያየ ምክንያት መገኘት ያልቻሉትን ጨምሮ በአጠቃላይ ፴፬ የነገረ መለኮት ምሩቃን በምድረ አውሮፓ እንደሚገኙ በጉባዔው አስተባባሪዎች የተሰበሰበው መረጃ ያመለክታል


ጉባኤው በጸሎት ከተከፈተ በኋላ የምሥረታ በዓሉን ያስተናገደው የካስል ደብረ ቀራንዮ መድኃኔዓለም ቤተ ክርስቲያን አስተዳዳሪና የነገረ መለኮት ምሩቃን ማኅበሩ ጊዜያዊ ሥራ አስፈጻሚ አባል ኾኑት መጋቤ ምሥጢር ኅሩይ ኤርምያስ የእንኳን ደህና መጣችሁ መልእክት አስተላልፈዋል። በመቀጠልም መቀመጫውን በአዲስ አበባ መንበረ ፓትርያርክ ጠቅላይ ቤተ ክህነት ግቢ ውስጥ ያደረገው ዋናው የነገረ መለኮት ምሩቃን ማኅበር በጥቅምት ፳፻ ዓ.ም. ከመመረቱ በፊት እና በምረታው ጊዜ ስለነበሩ ሂደቶች ስለ ማኅበሩ ዓላማእንዲሁም ማኅበሩ ላለፉት መታት ስላከናወናቸው በይት ተግባራት ሰፊ ገለጻ ተደርጓል። ለቀረቡ ጥያቄዎች ምላሽና ማብራሪያ ተሰጥቷል። በመቀጠል ጉባዔው ቅርንጫፍ ማኅበሩን ከአውሮፓ ሀገራት በአንዱ በሕጋዊ አካልነት ስለማስመዝገብ የቀረበውን የመወያያ ሐሳብ በጥልቀት ተወያይቶ ውሳኔ አሳልፎአል።

Last Updated on Thursday, 18 December 2014 23:42
Read more...
 
በጀርመን የካስል ደ/ቀ/መድኃኔዓለም ቤተክርስቲያን አዘጋጅነት መንፈሳዊ ጉባኤ ተካሄደ። PDF Print E-mail
Written by Administrator   
Friday, 08 August 2014 16:51
በጀርመን የካስል ደ/ቀ/መድኃኔዓለም ቤተክርስቲያን አዘጋጅነት መንፈሳዊ ጉባኤ ተካሄደ።



  • ከሀገር ቤትና ከአውሮፓ በተጋበዙ ሰባክያነ ወንጌል ሰፊ ትምህርተ ወንጌል ተሰጥቷል።
  • “ገዳማትና የአብነት ትምህርት ቤቶች ትናንትና ዛሬ“ በሚል ርዕስ ለሁለት ቀናት የቆየ ዐውደ ርዕይም በምእመናን ተጎብኝቷል።

ነሓሴ  ፳፻፮ ካስል (ጀርመን)- መጽሐፍ ቅዱስን መሠረት ያደረጉ ጥቅሶች ከነትርጓሜያቸው በስፋት የተመሠጠሩበት የስብከተ ወንጌልና  ትምህርተ ሃይማኖት ጉባኤ በካስል ደብረ ቀራንዮ መድኃኔዓለም ቤተክርስቲያን ተካሄደ።

በኢትዮጵያ ኦርቶዶክስ ተዋህዶ ቤተክርስቲያን የደቡብ፣ ደቡብ ምሥራቅና ምዕራብ አውሮፓ ሀገረ ስብከት በጀርመን የካስል ደብረ ቀራንዮ መድኃኔዓለም ቤተክርስቲያን አዘጋጅነት ሐምሌ ፳፮ እና ፳፯ ቀን ፳፻፮ / በተካሄደው  ጉባኤ ቁጥራቸው በርካታ የሆኑ የአካባቢውና ከሌሎችም የጀርመን ከተሞች የመጡ ምእመናን የበረከቱ ተሳታፊ ሆነዋል።

“በመንገዴ ላይ ወጥመድ አበዙብኝ“፣ “እሳቱ ከንፈርህን ነክቷልና በደልህ ተወገደ“ እና ምልክትን ተከትሎ ማመን ለክርስትናችን አደጋ ነው!በሚሉ የመጽሓፍ ቅዱስ መልእክቶች መነሻነት መጋቤ ሓዲስ ምሥጢረ ሥላሴ ማንአየህና ሊቀ ልሳናት ቀሲስ አብርሃም ዲበኩሉ ከሀገር ቤት እንዲሁምዲያቆን መስፍን ባልቻ ከቤልጂየም ሰፊና ልብ መሳጭ ትምህርት አዘል ስብከተ ወንጌል አካሂደዋል። ከምእመናን ለቀረቡ ሃይማኖት ነክ ጥያቄዎችም ሰፊ ምላሽ ተሰጥቶባቸዋል።

Last Updated on Wednesday, 13 August 2014 19:38
Read more...
 
የኢ/ኦ/ተ/ቤ/ክ ጥንታዊ መዛግብትን መሠረት ባደረጉ ጥናቶች ዋና የመረጃ ማዕከል መሆኗ ተገለጸ PDF Print E-mail
Written by Administrator   
Friday, 08 August 2014 15:36

የኢ/ኦ/ተ/ቤ/ክ ጥንታዊ መዛግብትን መሠረት ባደረጉ ጥናቶች ዋና የመረጃ ማዕከል መሆኗ ተገለጸ


  • የጥንታዊ መዛግብት እና ቅርሶች ባለቤት የሆነችው የኢ/ኦ/ተ/ቤ/ክ ሃይማኖትን፣ ታሪክንና ስነ ጽሑፍን ለማጥናት ሁነኛ ምንጭ እንደሆነች ተገለጿል።
  • ለሰው ሠራሽ እና ለተፈጥሮአዊ አደጋ እየተጋለጡ ያሉ ቅርሶች ተገቢው እንክብካቤ ተጠናክሮ እንዲደረግላቸው መልእክት ተላልፏል።

ሐምሌ ፳፻፮ ዓ/ም ሐምቡርግ (ጀርመን)- የኢትዮጵያ ኦርቶዶክስ ተዋህዶ ቤተ ክርስቲያን ለኢትዮጵያ ሀገራችን እና ለመላው ዓለም ያበረከተችውና እያበረከተችው ያለው አስተዋጽዖ ቀላል እንዳልሆነ ብፁዕ አቡነ መቃርዮስ የምሥራቅ ትግራይ ሀገረ ስብከት ሊቀ ጳጳስ በጀርመን ሐምቡርግ ከተማ ለሦስት ቀናት በተዘጋጀ ኮንፈረንስ ላይ ገልጸዋል።

በአውሮፓ ኅብረት ድጋፍ ሰጪነት እ.ኤ.አ ከ2009 ጀምሮ ለአራት ዓመታት የቆየውና በሐምቡርግ ዩኒቨርሲቲ የኢትዮጵያ ጥናቶች ማዕከል ሥር ያለው ኢትዮ-ስፔር ከልቸራል ሄሪቴጅ ኦፍ ክሪስቲያን ኢትዮጵያ- ሳልቬሽን፤ ፕሪዘርቬሽን፤ ሪሰርች የተሰኘው ፕሮጀክት መጠናቀቂያ ጊዜው መድረሱን ምክንያት በማድረግ ከጁላይ 17-19/2014 ለሦስት ቀናት በተካሄደው ኮንፈረንስ  መክፈቻ ንግግራቸውን ያሰሙት የምሥራቅ ትግራይ ሀገረ ስብከት ሊቀጳጳስ ብፁዕ አቡነ መቃርዮስ ቅድስት ቤተ ክርስቲያናችን ፊደልና አኃዝን፤ ጸዋትወ ዜማ በየዓይነታቸው፤ ትርጓሜ መጻሕፍት በየስልቱ፤ ስነ ጥበብንና ኪነ ጥበብን እያስተማረች ብሔራዊ ትውፊቷን የጠበቀች መሆኗ ለኢትዮጵያ ሀገራችን መመኪያ እንድትሆን አድርጓታል ብለዋል።

Last Updated on Wednesday, 13 August 2014 19:45
Read more...
 
« StartPrev12345678910NextEnd »

Page 3 of 11

Who's Online

We have 26 guests online

ሌሎች ድረ ገጾች

Featured Links:

feed-image Feed Entries


Powered by Medhanealem.