Home ስብከት
ስብከቶች
ብክይዎ ወላህውዎ እለ ታፈቅርዎ ፥ የምትወዱት ፈጽማችሁ አልቅሱለት! PDF Print E-mail
Tuesday, 20 November 2012 00:39

ብክይዎ ወላህውዎ እለ ታፈቅርዎ ፥ የምትወዱት ፈጽማችሁ አልቅሱለት!

ዐዋቆች 'ከማፍቀር ማወቅ ከመውደድ መልመድ ይቀድማል' ቢሉ የማያውቀውን ያፈቀረ ያልመደውን የወደደ ስለማይገኝ እውነት ብለዋል በጎ ተናግረዋል ቢባል እንጂ መቼም ያወቁትን ለማፍቀር የለመዱትን ለመውደድ ቢሆን እንኳ ኅሊናቸው በሁለት አሳብ የሚንገላታባቸው የሌላ ሰው ምክር ወይም ያልተጠበቀ ክስተት ግፊት ካልገጠማቸው በቀር ፍቅር እንደ ኮሶ መድኃኒት በቀላሉ የማይዘልቃቸው አዕላፍ ሰዎች በሞሏት ዓለም ውስጥ እየኖረ ሐሰት ነው የሚል ይኖራል ተብሎ አይገመትም ፤ 'እንዳየሁት ወደድሁት እንዳገኘሁት አፈቀርኩት' የሚሉ ለማፍቀር መሥፈርት ለመውደድ መመዘኛ የሌላቸው ጥቂት ደጋ ደግ ሰዎች እንዳሉ ሳይዘነጋ። እነርሱም ቢሆኑ ግን ያለ ምክንያት አይወድዱም ያለ ምክንያት አያፈቅሩም እንደውም ያለምክንያት በሰው የተወደደ ሰው ወይም ሌላ ስነ ፍጥረት የለም ፥ ገበሬ ላሙን ቢወዳት ወተት ሰጥታው ለበሬው ቢያዜምለት እርሻ አርሶለት እህል ወቅቶለት ነው። ላም ወተት ባይኖራት ማን 'ላሜ ቦራ' ብሎ በገጠመላት? በሬም በቀንዱ መዋጋት ብቻ እንጂ ባያርሱበት ባያበራዩበት ባንተ ነው ማማሬ ብሎ ማን ያሞግሰው ነበር? በሰዎች ዘንድ ያለምክንያት የሚጠላ ብዙ አለ ያለምክንያት የሚወደድ ግል ሊኖር አይችልም።

Read more...
 
“ተንሥአ ኢሀሎ ዝየሰ = ተነሥቷል በዚህስ የለም!”

“ተንሥአ ኢሀሎ ዝየሰ = ተነሥቷል በዚህስ የለም!”

ማር ፲፮፥፮

በሞቱ የሞተ አዳምን ለመቤዠት በሚደነቅ ነገር ግን በማይመረመር አምላካዊ ጥበቡ ንጽሕት ቅድስት ፍጽምት በሆነች በእመቤታችን በድንግል ማርያም ቡርክት ማኅፀን በፈጸመው የተዋህዶ ምሥጢር ልዑል ባሕርዩን ከትሑት ሰብእናችን ጋር አዋህዶ ሰው የሆነ ጌታና አምላክ ክርስቶስ ኢየሱስ ከሠላሳ ሦስት ዓመታት ከሦስት ወራት መዋዕለ ሥጋዌ በኋላ በዕለተ ዓርብ ተአዝዞ ተገብሮ ሳይኖርበት በገዛ ፈቃዱ ራሱን ለሕማም ለሞት አሳልፎ ሰጠ። ቅድስት ነፍሱ ከክብርት አካሉ በተለየች ጊዜ ወደሲኦል ወርዳ ከሞት ሥልጣን በታች ሆነው የመዳንን ቀን እየናፈቁ በዚያ ለነበሩ የቅዱሳን አበው ነፍሳት ነጻነትን ድኅነትን ሰበከችላቸው ሥጋውን ግን ዮሴፍና ኒቆዲሞስ ከመስቀል አውርደው በአዲስ በፍታ ገንዘው በአዲስ መቃብር ቀበሩት። ዮሐ፲፱፥፴፱ ፩ጴጥ፫፥፲፱

Read more...
 


ሌሎች ድረ ገጾች

Featured Links:

feed-image Feed Entries


Powered by Medhanealem.